ViuTV乳神 入行賺名聲搵好多錢 34F湯沛宜 寧靠自己謝絕「包養」
2020-09-12
本港疫情持續,各行各業收入大減,擁34F火辣身材、29歲的「ViuTV乳神」湯沛宜(Toto)主要收入來自教健身,惟政府兩度勒令關閉健身室,當時月入僅4位數的她為生計,就算怕鬼都頂硬上接拍ViuTV新靈異節目《鬼同妳上位》,Toto無奈道:「為o左錢鬼都唔驚!」開口埋口都講金,努力開創「錢」途的她認為入娛樂圈最緊要有人識,助她接商演搵真銀。至於會否出賣肉體賺「快錢」?曾獲老闆開價「包養」的Toto霸氣拒絕:「我情願自己努力賺錢,十幾萬又唔係多!」

        憑ViuTV選美節目《美選D.N.A.》為人熟悉的湯沛宜,一向有開班教健身及芭蕾舞,每月穩袋2至3萬,惜受疫情影響致工作量大減,要照顧退休父母及妹妹的她苦撐多月,積蓄僅剩5位數,早前更跟家人一餐外賣分兩次食度日!面對健身室兩度停業、活動展覽一律延期, 早前接受《頭條日報》訪問時,Toto坦言:「我都捱得苦,一日做10個鐘都得,但口依家好似望天打卦,唔係你唔努力喎,而係唔知點努力先賺到錢,我咁大個人都未試過,好徬徨。」

        為錢可以去到幾盡

        幸疫情緩和期間,Toto接下ViuTV靈異節目《鬼同妳上位》,並獲得抗疫基金幫補生活費,「真係及時雨,暫時都守到呢幾個月。」為了5位數酬勞,本身驚鬼的她只好硬住頭皮去探靈,「劇組都有問我點解拍?我話錢囉!冇錢,而家鬼都冇得驚,我驚冇錢多o的!」結果同行隊友陸續「中招」,自己亦不能倖免,最終Toto在武打明星傅聲的故居招魂,發現鏡中有「人」樣,嚇到三魂唔見七魄!如《鬼》有續集想必不敢再接拍吧?窮到I的她卻謂:「如果再添食我都會拍!」

        被要求介紹「女女」

        自17歲為電影、劇集做跑龍套,先後又參選《美》、港姐和健美比賽,外界都以為Toto恨發明星夢,不斷強調「好驚銀行冇錢,想賺好多錢」的她表示:「我想有人認識,唔一定要好紅,咁我就有商業價值可以去商演。係咪一定要做女主角呢?又唔係喎,牡丹雖好都要綠葉扶持,或者你做一個角色,人]都記得你已經好足夠。」時有聽聞圈中不少搵「快錢」機會,那可曾獲邀去「飯局」?Toto即笑道:「冇,反而有人叫我介紹女仔認識、食飯,當我Agent,唔知點解睇唔上我!(搵你會接受?)始終過唔到自己劗騿A其實之前有老闆贊助我十幾廿萬出寫真,條件係要做佢女友,但我好快拒絕o左,情願自己努力賺錢。」

        撰文:黎寶倫攝影:張詠森服裝:NAMI
港聞   中國   國際   地產   財經
體育   副刊   娛樂   專欄    

即時新聞
日報新聞
食肆搜尋
電影
陸羽仁 Blog
六合彩
賽馬賠率
博客城
主頁
Copyright 2020 hkheadline.com
All rights reserved
廣告查詢 : 2798 2383